Një ngjarje e rëndë ka ndodhur në Siçili të Italisë, ku një 25-vjeçar shqiptar humbi jetën tr*gjikisht në aksident rrugor, kurse të pl*gosur mbetën edhe disa të rinj bashkëatdhetarë të tij.

Vi ktima është identifikuar si Flori Topalli, i cili udhëtonte së bashku me disa bashkëkombas të tij në makinën që u përplas me kamionin, për arsye që aktualisht po hetohen.

Kamioni i ngarkuar me fruta e perime udhëtonte në drejtim të Canicattì, drejtuesi i të cilit gjithashtu mësohet se ka marrë dëmtime, por jo serioze.

Ngjarja ndodhi dy ditë më parë në rrugën shtetërore 410 “Di Naro” në Naro, në km 14. Në aksident janë përfshirë një makinë dhe një automjet i rëndë kamion që transportonte fruta-perime. Bilanci ishte një i vdekur dhe 6 të plagosur.

Rruga u mbyll përkohësisht. Personeli i “Anas” dhe forcat e rendit iu përgjigjën vendit të ngjarjes për të menaxhuar trafikun dhe për të rivendosur sigurinë sa më shpejt të ishte e mundur.

Të pIagosurit u transportuan në spitalet në Canicattì, Licata dhe Agrigento. Asnjëri prej tyre nuk është në rrezik për jetën. Shumica e tyre që morën lëndime raportohet se janë shqiptarë, informon media italiane.

Prokuroria Publike e Agrigentos ka hapur një hetim për të përcaktuar dinamikën e saktë të aksidentit dhe çdo përgjegjësi, pasi deri tani nuk ka një arsye zyrtare për aksidentin.