Prokuroria e Posaçme kundër Korrupsionit dhe Krimit të Organizuar ka urdhër BKH që t’i dërgojë kryebashkiakut Erion Veliaj të gjitha aktet hetimore.

Burime për mediat bëjnë me dije se pas vendimit të GJKKO-së, pasditen e së martës, SPAK ka kërkuar që Veliajt t’i shkojnë në qelinë e paraburgimit në Durrës, materialet me 72 fashikuj me rreth 28 mijë faqe.

Kujtojmë se, Erion Veliaj ndodhet në paraburgimin e Durrësit prej datës 10 Shkurt 2025 dhe vazhdon të jetë në detyrë si kryebashkiak, pasi Gjykata Kushtetuese i dha të drejtë dhe anuloi Dekretin e Presidentit për zgjedhje të parakohshme në Tiranë.

SPAK mbylli hetimet dhe dërgoi për gjykim dosjen më 10 shtator, duke e akuzuar kryebashkiakun për 9 raste korrupsioni, përfshirë pastrim parash, mosdeklarim të pasurisë, shpërdorim detyre dhe futje të sendeve të ndaluara në qeli.

E akuzuar është dhe bashkëshortja e tij, Ajola Xoxa. Ajo përballet gjithashtu me akuza për korrupsion pasiv në 9 raste, të lidhura me subjekte tregtare dhe organizata jofitimprurëse, pas të cilave qëndronin vetë,