Policia e Shtetit ka vënë në pranga 46-vjeçarin, Urim Meta, i cili u kap duke transportuar armë dhe lëndë shpërthyese, që dyshohet se i kishte marrë në Shëngjergj me qëllim shitjen në Tiranë.

Gjatë kontrollit në automjetin që ai drejtonte, u gjetën dhe u sekuestruan 4 kallëpë tritoli, 2 armë zjarri dhe 1500 fishekë të kalibrave të ndryshëm. Po ashtu, u sekuestruan edhe automjeti dhe celulari i tij, në cilësinë e provës materiale.

UeimMeta
Urim Meta
Hetimet vijojnë nën drejtimin e Prokuroria e Tiranës, për identifikimin dhe vënien përpara përgjegjësisë penale të personave të tjerë të përfshirë në këtë veprimtari kriminale.

8

Njoftimi i policies:

Tiranë/Finalizohet operacioni i koduar “Synimi”. Sekuestrohen 4 kallëpë tritoli, 2 armë zjarri dhe 1500 fishekë.

Arrestohet në flagrancë shtetasi që transportonte armët dhe municionin, që dyshohet se i kishte marrë në fshatin Shëngjergj, me qëllim shitjen në Tiranë.

Si rezultat i punës intensive operative dhe operacionale, me qëllim identifikimin dhe arrestimin e menjëhershëm të shtetasve të përfshirë në transportim/shitje të armëve shpërthyese dhe armëve të zjarrit, për përdorim në ngjarje kriminale, shërbimet e Komisariatit të Policisë Nr. 4 finalizuan me sukses operacionin e koduar “Synimi”.

Gjatë operacionit, u kap në flagrancë, në rrugën e fshatit Shëngjergj, shtetasi U. M., 46 vjeç, banues në Tiranë.

Nga kontrolli në automjetin që drejtonte, u gjetën 4 kallëpë tritoli, 2 armë zjarri dhe 1500 fishekë të kalibrave të ndryshëm.

Armët dhe municioni u sekuestruan me cilësinë e provës materiale, së bashku me automjetin dhe celularin e të arrestuarit.

Vijon hetimi, në drejtimin e Prokurorisë, me qëllim nxjerrjen përpara përgjegjësisë penale, të shtetasve të tjerë të përfshirë në këtë veprimtari kriminale.

Materialet procedurale iu referuan Prokurorisë së Tiranës, për veprime të mëtejshme.