Bëhet fjalë për tartufin, kërpudhën e rrallë që në tregjet europiane arrin çmime marramendëse deri në 3000 dollarë për kilogram.

Kjo specie e veçantë rritet natyrshëm në Shqipëri, sidomos në zonat me lisa, pisha dhe toka ranore, duke e bërë vendin tonë një nga zonat më të pasura për këtë “ar të zi” dhe “ar të bardhë”.

Por paradoksi është i madh…

Ndërkohë që në vende si Italia dhe Franca tartufi konsiderohet luks dhe mbrohet me ligj, në Shqipëri ai shpesh mblidhet dhe trafikohet në mënyrë të paligjshme, duke i shkaktuar vendit humbje të mëdha ekonomike.

Madje, të huaj vijnë posaçërisht në Shqipëri për ta kërkuar, të pajisur me qen të stërvitur që nuhasin këtë kërpudhë të rrallë nën tokë.

Aroma dhe cilësia e tartufit varen nga pema ku rritet, ndërsa më i shtrenjti është ai që zhvillohet në rrënjët e lisit.

Edhe pse në tregjet ndërkombëtare çmimi i tij shkon deri në mijëra euro, në Shqipëri ai shpesh shitet shumë më lirë… për të përfunduar më pas në restorantet luksoze të Europës me çmime disa herë më të larta.

Një pasuri që e kemi… por nuk po dimë ta shfrytëzojmë.