Në Kosovë pritet të nisë shpërndarja e shtesave për fëmijët duke filluar nga 1 qershori, datë që përkon simbolikisht me Ditën Ndërkombëtare të Fëmijëve. Burime për Gazeta Minuti bëjnë të ditur se institucionet kanë planifikuar që ekzekutimi i këtyre pagesave të bëhet pikërisht në këtë datë, duke e lidhur këtë masë mbështetëse me një nga ditët më të rëndësishme kushtuar mirëqenies së fëmijëve.

Sipas këtyre burimeve, shtesat për fëmijët janë pjesë e një pakoje më të gjerë sociale që synon të ndihmojë familjet në përballimin e kostos së jetesës dhe rritjes së çmimeve. Kjo masë konsiderohet si një ndihmë direkte për familjet, duke synuar përmirësimin e kushteve për rritjen dhe mirëqenien e fëmijëve.

Po ashtu, burimet theksojnë se kjo datë është zgjedhur jo rastësisht, por për të dhënë një mesazh simbolik për përkushtimin institucional ndaj fëmijëve dhe të drejtave të tyre.

Megjithatë, ekzekutimi i pagesave mbetet i lidhur me përfundimin e procedurave ligjore dhe miratimin përfundimtar të paketës nga institucionet përkatëse, ndërsa një njoftim zyrtar pritet në ditët në vijim, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE