Në ditët e nxehta të verës, shumë banesa përballen me ajër të rënduar dhe temperatura të larta, edhe kur dritaret janë të mbyllura dhe ventilatorët janë në punë. Një detaj i vogël, shpesh i neglizhuar, mund të ndikojë në përmirësimin e ajrosjes së ambientit: hapja e dyerve të dollapëve.
Sipas këtij truku të thjeshtë, dollapët e mëdhenj mund të grumbullojnë nxehtësi gjatë ditës, veçanërisht nëse ndodhen pranë dritareve ose ekspozohen ndaj rrezeve të diellit. Ajri i ngrohtë mbetet i bllokuar brenda tyre, duke i kthyer në hapësira që ruajnë temperaturë më të lartë se pjesa tjetër e dhomës.
Hapja e dyerve të dollapëve gjatë orëve të freskëta të mëngjesit lejon që ajri i jashtëm të qarkullojë edhe në këto hapësira të mbyllura. Në këtë mënyrë, nxehtësia e akumuluar mund të shpërndahet më lehtë dhe dollapët të mos kontribuojnë në ngrohjen e ambientit.
Ekspertët e këshillojnë këtë veprim të kombinuar me ajrosjen e hershme të shtëpisë, kur temperaturat janë më të ulëta. Më pas, gjatë ditës, rekomandohet mbyllja e dritareve dhe ulja e grilave apo perdeve për të ruajtur sa më gjatë freskinë brenda banesës.
Ky kombinim i thjeshtë masash mund të ndihmojë në krijimin e një ambienti më të këndshëm gjatë ditëve me temperatura të larta.
