Rokadë e madhe në Policinë e Shtetit, ndryshojnë shefat e komisariateve në Tiranë dhe disa qytete të vendit
Policia e Shtetit ka ndërmarrë një valë të re lëvizjesh dhe emërimesh në strukturat drejtuese, duke ndryshuar drejtuesit e disa komisariateve në Tiranë dhe në qytete të tjera të vendit.
Sipas burimeve nga Policia e Shtetit, janë kryer gjithsej 65 lëvizje në kuadër të ristrukturimit të strukturave policore dhe forcimit të menaxhimit në nivel vendor.
Ndryshimet kanë prekur komisariatet në Tiranë, Vlorë, Korçë, Krujë, Lezhë, Laç, Shijak, Dibër, Mirditë, Mat dhe Bulqizë, raporton noa.al e cila ka siguruar emrat e listës së mëposhtme.
Një nga emërimet më të rëndësishme është ai i Feliks Hodaj në krye të Komisariatit të Policisë Vlorë. Ai mbante më parë detyrën e shefit të Komisariatit Nr. 4 në Tiranë.
Burime policore bëjnë me dije se lëvizjet synojnë rritjen e efektivitetit të strukturave vendore, përmirësimin e performancës dhe forcimin e luftës kundër kriminalitetit.
Emërimet e reja në komisariate
Bilal Selmanaj – Shef i Komisariatit të Policisë Kufitare Dibër
Elton Shahini – Shef i Komisariatit të Policisë Krujë
Sentiljan Ndreu – Shef i Komisariatit të Policisë Kurbin
Florenc Sulçe – Shef i Komisariatit Nr. 4, Tiranë
Feliks Hodaj – Shef i Komisariatit të Policisë Vlorë
Arben Sulaj – Shef i Komisariatit të Policisë Lezhë
Elvis Peza – Shef i Komisariatit të Policisë Mirditë
Oltion Agolli – Shef i Komisariatit të Policisë Mat
Emiljan Pashaj – Shef i Komisariatit të Policisë Korçë
Ergys Gjoni – Shef i Komisariatit të Policisë Bulqizë
Andi Deda – Shef i Komisariatit të Policisë Shijak
Afrim Meçi – Shef i Komisariatit të Policisë Mallakastër
Ervin Myzeqari – Shef i Komisariatit të Policisë Skrapar
Gentian Dervishaj – Shef i Komisariatit të Policisë Lushnjë.
