Një moment nga spektakli “Ferma VIP” ka shkaktuar reagime të shumta në rrjetet sociale, duke hapur një debat të fortë publik.

Gjatë një diskutimi të tensionuar mes Akilit dhe një banoreje, moderatorja Arbana Osmani ndërhyri për të qetësuar situatën, por një shprehje e përdorur prej saj nuk kaloi pa u vënë re. Ajo iu drejtua Akilit me fjalët: “si pushka e jevgut”, një shprehje që në kontekstin e përdorur është konsideruar nga shumë si e papërshtatshme dhe ofenduese.

Menjëherë pas transmetimit, reagimet në rrjet kanë qenë të shumta. Përdorues të ndryshëm kanë kritikuar përdorimin e kësaj shprehjeje në televizion, duke theksuar se terma të tillë lidhen me stereotipe dhe mund të cenojnë komunitete të caktuara.

Disa kërkojnë një reagim publik apo sqarim nga moderatorja, ndërsa të tjerë e kanë konsideruar si një shprehje të përdorur pa qëllim të keq, por që gjithsesi kërkon më shumë kujdes në komunikim, sidomos në një ekran kombëtar.

Mbetet për t’u parë nëse do të ketë një reagim nga Arbana Osmani lidhur me këtë situatë, ndërkohë që debati në rrjet vazhdon të ndizet gjithnjë e më shumë, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE