SHOKUESE: QIRATË NË GJERMANI “SHPËRTHEN” – DERI NË 70% MË TRENJTA, BERLINI NË KRYE!

Qiratë në Gjermani kanë shënuar rritje dramatike vitet e fundit, pavarësisht masave kufizuese të vendosura nga autoritetet rreth një dekadë më parë. Sipas të dhënave zyrtare, sot qiramarrësit në qytetet e mëdha paguajnë mesatarisht rreth 43% më shumë krahasuar me vitin 2015.

Rritja më e madhe është regjistruar në Berlin, ku çmimet janë rritur me deri në 69%. Sipas statistikave qeveritare, çmimi për metër katror (pa përfshirë ngrohjen) është rritur nga 9,02 euro në vitin 2016 në 15,25 euro vitin e kaluar. Rritje të lartë kanë shënuar edhe qytete të tjera si Leipzig (67%), ndërsa Bremen dhe Duisburg pasojnë me nga 46%.

Në Essen dhe Düsseldorf, qiratë janë rritur me 43%, ndërsa në Hamburg me 42%. Edhe pse rritja në Mynih është disi më e ulët (37%), ky qytet mbetet më i shtrenjti në vend, me një mesatare prej 21,29 euro për metër katror në vitin 2025. Frankfurti ka arritur në 16,58 euro për metër katror, ndërsa në Stuttgart çmimi është 16,06 euro.

Autoritetet theksojnë se banesat që nuk publikohen në treg – si ato me lista pritjeje apo marrëveshje direkte – mund të jenë disi më të lira.

E ashtuquajtura “frena e qirasë”, e cila është në fuqi që nga 1 qershori 2015, kufizon çmimet në maksimum 10% mbi mesataren lokale në zonat me kërkesë të lartë. Megjithatë, përjashtimet e shumta, si tarifat për mobilim apo qiratë afatshkurtra, e kanë dobësuar ndjeshëm efektin e saj.

Për këtë arsye, partitë e majta prej vitesh kërkojnë masa më të rrepta, përfshirë kufizim të plotë të qirave dhe ndalim më të fortë të të ashtuquajturave “qira abuzive”,