Mjekët e urgjencës, infermierët dhe teknikët do të kenë trajtim më të lartë financiar.

Kështu, Ministria e Shëndetësisë dhe Mbrojtjes Sociale, bën të ditur se nga muaji qershor mjekët e urgjencës do të trajtohen njësoj si mjekët specialistë, ndërsa shtesat në paga për shërbimet kritike dhe urgjencat rriten ndjeshëm.

Sipas MSHMS-së, mjekët do të marrin një shtesë prej 18,000 lekë/muaj, ndërsa infermierët dhe teknikët 12,000 lekë/muaj më shumë për shërbime kritike.

Pagesa për turnet e urgjencës arrin deri në 3,200 lekë në ditët e festave.

Shtesa progresive për vjetërsi deri në 30 vite pune.

Ndërsa indeksim vjetor prej 2,5% synon ruajtjen e fuqisë blerëse.

Rritja e pagave në shëndetësi është një hap konkret për vlerësimin e bluzave të bardha.

Paketa e re e pagave për vitin 2026 synon përmirësimin e kushteve dhe motivimin e personelit shëndetësor, duke vlerësuar punën e tyre në shërbim të jetës dhe shëndetit të qytetarëve.