Historia e pazakontë e binjakeve të bashkuara: martesa, sekretet dhe jeta që sfidon çdo paragjykim!”

Më 18 shtator, binjaket 25-vjeçare Carmen dhe Lupita Andrade, të lindura në Meksikë dhe të bashkuara në kokë, folën hapur për jetën e tyre në një intervistë për revistën People. Ato ndanë detaje për martesën e Carmen, përditshmërinë, shëndetin dhe paragjykimet që kanë përjetuar që nga fëmijëria.

Motrat ndajnë disa organe, si brinjët, zemrën, mushkëritë dhe stomakun, por secila ka trurin, veshkat dhe mëlçinë e saj. Mjekët nuk rekomandojnë ndarjen për shkak të rreziqeve serioze, ndaj ato kanë vendosur të mos e bëjnë këtë ndërhyrje.

Carmen u njoh me bashkëshortin e saj, Daniel McCormack, në aplikacionin Hinge në vitin 2020, me sugjerimin e Lupitës. Ajo tregon se njerëzit shpesh janë shumë kuriozë për martesën e saj, ndërsa Lupita thekson se mbi të gjitha dëshiron që motra e saj të jetë e lumtur.

Çifti përpiqet të ruajë kufijtë personalë dhe kalon kohë duke biseduar e qeshur. Ndërkohë, Lupita tregon se ndonjëherë përdor kufje për të pasur hapësirën e saj.

Binjaket janë aktive në rrjetet sociale dhe punojnë rreth 50 orë në javë, duke qenë të kujdesshme në zgjedhjen e bashkëpunimeve.