Ministri i Kulturës, Blendi Gonxhja, ka shprehur ngushëllimet e tij për ndarjen nga jeta të lahutarit të njohur Jonuz Delaj, duke e cilësuar humbjen e tij si një goditje të madhe për kulturën shqiptare. Ai theksoi se Delaj, i ardhur nga Malësia e Madhe, u njoh si “magjistari i lahutës” dhe si një nga bartësit e fundit autentikë të Eposit të Kreshnikëve.

Sipas ministrit, për Delajn lahuta nuk ishte thjesht një instrument muzikor, por një dëshmi e gjallë e identitetit dhe historisë së shqiptarëve. Gonxhja kujtoi se kjo trashëgimi merr sot një domethënie edhe më të madhe, në kohën kur lahuta shqiptare është shpallur nga UNESCO si pjesë e Trashëgimisë Kulturore Jomateriale, një vlerësim që nderon edhe figura si Jonuz Delaj, të cilët e ruajtën dhe e përcollën në formën më të pastër.

“Me ndarjen nga jeta të Jonuz Delaj, kultura shqiptare humbi jo vetëm një lahutar, por një epokë të gjallë të kujtesës sonë historike. I ardhur nga Malësia e Madhe, ai u njoh si “magjistari i lahutës” dhe shpesh u cilësua si një nga bartësit e fundit autentikë të Eposit të Kreshnikëve.

Siç rrëfehet edhe në reportazhe kushtuar jetës së tij, Jonuz Delaj e mbarti lahutën si pjesë të qenies së vet, duke kënduar këngë epike të mësuara gojarisht, pa shkrim e pa skenografi, vetëm me kujtesën, zërin dhe forcën shpirtërore. Për të, lahuta nuk ishte instrument, por dëshmi e identitetit dhe e historisë shqiptare.

Sot, kjo trashëgimi merr një domethënie edhe më të madhe, në kohën kur lahuta shqiptare gëzon statusin e Trashëgimisë Kulturore Jomateriale të UNESCO-s – një vlerësim që nderon edhe figura si Jonuz Delaj, të cilët e ruajtën atë në formën më të pastër.

Ai u largua nga jeta, por zëri i tij mbetet i gdhendur në tingullin e lahutës, në epikën shqiptare dhe në kujtesën tonë kolektive. Institucionet shqiptare janë të angazhuara për ruajtjen, përcjelljen brezave dhe edukimin mbi dijebërjen, që thesaret tona të traditës të jetojnë, të tregohen e të ushtrohen përgjithmonë.” -shkruan Ministri Blendi Gonxhja, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE