Prej më shumë se pesë vitesh, fati i një të riu nga Tunizia mbetet i panjohur, ndërsa familjarët e tij vijojnë të kërkojnë ndihmë dhe informacion.🡇𝐒𝐡𝐭y𝐩η𝐢 𝐢ɱ𝐚𝐳𝐡𝐢𝐧/𝐫ҽ𝐤𝐈𝐚ɱɱ𝐞𝐧 𝐦ë ρ𝐨𝐬𝐡𝐭ë 𝐝𝐡𝐞 𝐡𝐚𝐩𝐞𝐭🡇

Saif Thalja rezulton i zhdukur që prej datës 29 maj 2020 në qytetin e Durrësit. Ai kishte ndërmarrë një udhëtim të vështirë drejt Europës, duke kaluar fillimisht në Turqi dhe më pas në Greqi, për të mbërritur në Shqipëri.

Sipas të afërmve, Saifi qëndroi për rreth tre ditë në një hotel në Durrës së bashku me tre persona të tjerë. Që prej momentit kur është larguar nga hoteli, nuk është parë më dhe nuk ka asnjë informacion mbi vendndodhjen e tij.

Dyshohet se ai mund të ketë ndjekur një nga rrugët e emigracionit drejt vendeve të Bashkimit Europian, përmes Malit të Zi, Bosnjës, Kroacisë, Sllovenisë dhe më pas Italisë, por kjo mbetet e pakonfirmuar.

Pavarësisht përpjekjeve të familjarëve dhe kontakteve me autoritetet përkatëse, përfshirë policinë dhe ambasadën, deri më tani nuk është arritur të gjendet asnjë gjurmë e tij.

Familja bën apel për ndihmë nga kushdo që mund të ketë informacion mbi Saif Thaljan, duke theksuar se edhe një detaj i vogël mund të jetë vendimtar për zbardhjen e këtij rasti dhe për t’i dhënë fund pritjes së gjatë dhe të dhimbshme