Një krim makabër brenda familjes ka tro nditur Meksikën, ku një sherr i momentit ka përfunduar në një traagjedi të përgjakshme. Një 63-vjeçare ka vr arë me gjakftohtësi nusen e djalit të saj, duke e qëlluar me gjashtë plumba, në një skenë tmerri që ka ndodhur përpara syve të familjarëve më të afërt.

Ngjarja e rëndë është regjistruar brenda ambienteve të shtëpisë, ku në momentin e sulmit prezentë kanë qenë djali i autores dhe nipi i saj vetëm 8 muajsh. Pa u kursyer nga prania e foshnjës, 63-vjeçarja ka shkrepur armën mbi nusen e saj, duke e lënë të vd ekur në vend.

Pas kryerjes së krimit, autorja është larguar menjëherë nga banesa në drejtim të paditur. Policia vendase ka nisur një operacion të gjerë kërkimi, por deri tani nuk ka rënë ende në gjurmët e saj.

Ajo që e bën edhe më rrëqethëse këtë ngjarje është arsyeja pas krimit. Sipas mediave lokale, përpara se të arratisej, e moshuara i ka thënë të birit se nusja e kishte “mërzitur” dhe se ajo ia kishte “vjedhur” dashurinë e tij.

“Më mërziti… më mori dashurinë tënde,” mësohet të jenë fjalët e fundit të autores drejtuar djalit të saj mbi trupin e pajetë të bashkëshortes.

Ky motiv, i bazuar në një xhelozi patologjike, ka lënë të shokuar opinionin publik, ndërsa autoritetet po punojnë për zbardhjen e plotë të rrethanave dhe kapjen e gruas që ktheu shtëpinë në një skenë krimi.