Një apel prekës për ndihmë ka mbërritur në redaksinë e JOQ Albania, ku një baba i dëshpëruar kërkon ndihmën e shqiptarëve për vogëlushen e tij 2-vjeçare, e cila po përballet me një sëmundje tepër të rëndë dhe të rrallë: një tumor agresiv në tru, i cili është ndër më të rrallët që ekziston, me vetëm 7 raste të njohura në mbarë botën, sipas tij.
Në këtë betejë të me vdekjen, vogëlushja ka kaluar tashmë 3 ndërhyrje kirurgjikale dhe një cikël kimioterapie, por për shkak të natyrës së rëndë dhe agresive të tumorit, ai është ende i pranishëm në tru.
Shpresa e fundit për ta mbajtur në jetë sa më gjatë është një trajtim me radioterapi me lazer, që do të kryhet në një spital privat në Itali dhe është i kushtueshëm, për shkak se trajtimi i tillë nuk ofrohet nga shteti.
Familja Carja është e dërrmuar jo vetëm nga dhimbja, por edhe nga kostot e larta. Babai i vajzës ka një vit që nuk punon, pasi është i detyruar të qëndrojë pranë vajzës nëpër spitale. Gjendja është shumë kritike, dhe mjekët e kanë përshkruar si një ndër rastet më të vështira që kanë parë, me shpresë thuajse zero, por me përpjekje që po bëhen për ta mbajtur në jetë vogëlushen sa më gjatë.
Çdo kontribut, sado i vogël, është një shpresë më shumë për këtë vogëlushe që po lufton për jetën.
Mund të kontaktoni me familjen edhe në WhatsApp në këtë numër celulari: 00393276153515
