Një incident i rëndë duket se ka ndodhur në shtëpinë e Big Brother VIP Albania, duke ngritur shumë pikëpyetje mbi fatin e njërit prej banorëve në lojë. Sipas pamjeve që po qarkullojnë me shpejtësi në rrjet, një debat i ashpër mes Rogerit dhe Gimbos ka degraduar deri në kontakt fizik.

Ngjarja dyshohet se ka ndodhur gjatë një përplasjeje të fortë mes dy banorëve, ku tensionet kanë qenë të larta dhe debati është zhvilluar me tone të ashpra. Në një moment, situata ka dalë jashtë kontrollit kur Gimbo është afruar shumë pranë Rogerit, duke i qëndruar “fytyrë më fytyrë”.

Në këtë moment, sipas raportimeve dhe pamjeve që po qarkullojnë online, Rogerti nuk ka arritur të përmbahet dhe ka reaguar fizikisht duke e goditur Gimbon me dorë. Ky veprim konsiderohet një shkelje serioze e rregullave të formatit, i cili ka tolerancë zero ndaj kontaktit fizik mes banorëve.

Incidenti ka shkaktuar reagime të shumta në rrjetet sociale, ku fansat e spektaklit po diskutojnë nëse Rogerti do të përjashtohet nga gara apo nëse produksioni do të marrë një vendim tjetër disiplinor.

Deri tani nuk ka një reagim zyrtar nga produksioni i Big Brother VIP Albania, por në raste të ngjashme në të kaluarën, kontaktet fizike mes banorëve kanë sjellë përjashtim të menjëhershëm nga shtëpia.

Mbetet për t’u parë nëse kjo situatë do të ndikojë në vazhdimësinë e Rogerit në lojë dhe si do të reagojë produksioni pas këtij incidenti që ka tronditur shtëpinë më të famshme në Shqipëri