Një lajm i trishtë ka ardhur këtë ditë Pashkësh! Drejtori i komanduar i Burgut të Durrës, Etmond Llabani ka ndërruar jetë pas disa javëve të vështira që luftoi me të gjithë forcën për të vazhduar jetën, për tre fëmijët e tij, Solen, Klestin dhe Sielin.

Pavarësisht ndihmës së mjekëve, si në Shqipëri, po ashtu dhe në Romë ku dhe dha frymën e fundit, fatkeqësisht Llabani nuk arriti të mbijetonte.

Dy ditë më parë, bashkëshortja e tij, Tana, me sytë drejtuar nga Zoti, lutej që shoku i jetës së saj dhe babai i tre engjëjve të tyre, t’ia dilte mbanë. Por për fatin e keq ai nuk mundi që të shpëtonte.

“Mond shpirti im, duhet t’ia dalësh për ne sepse ti nuk do doje kurrë të na lije vetëm…Ne nuk dimë të bëjmë asgjë pa tu dhe nuk e duam jetën pa ty”, shkruante ajo.

Në janar të këtij viti, disa ditë pasi u vendos si drejtor i komanduar i burgut të Durrësit, Etmond Llabani pësoi një hemorragji cerebrale. Menjëherë ai u shtrua në Qendrën Spitalore Universitare “Nënë Tereza”, dhe më pas u dërgua drejt Italisë me qëllim për të marrë mjekim më të specializuar. Por për fatin e tij të keq, pavarësisht të gjitha përpjekjeve të bluzave të bardha, Llabani ka ndërruar jetë duke lënë në dhimbje të thellë familjarë, koleg e miq të shumtë.

Llabani u emërua në postin e drejtorit të komanduar të Institucionit të Ekzekutimit të Vendimeve Penale Durrës, pas shkarkimit dhe arrestimit të drejtuesit të mëparshëm, Indrit Cërloj.

Shkarkimi dhe arrestimi i Cërlojt erdhi pas urdhrit të ish-ministrit të Drejtësisë, Besfort Lamallarit, një ditë pas arratisjes së të paraburgosurit, Altin Ndoci, i cili arriti që të largohej teksa ishte shoqëruar për një kontroll mjekësor në spitalin e qytetit të Durrësit,