Në Kosovë po vazhdojnë diskutimet intensive për një pako të re mbështetëse financiare, e cila synon të lehtësojë barrën ekonomike për qytetarët në kushtet e rritjes së kostos së jetesës dhe inflacionit.

Burime për Gazeta Minuti bëjnë të ditur se një nga masat kryesore që po shqyrtohet në kuadër të kësaj pakoje është edhe ndarja e 100 eurove për fëmijët, si mbështetje direkte për familjet. Sipas këtyre burimeve, kjo pagesë pritet të realizohet gjatë muajit maj, por vetëm pasi të përfundojnë të gjitha procedurat institucionale.

Sipas informacioneve të siguruara, pakoja fillimisht duhet të votohet në Kuvendin e Kosovës, më pas të miratohet përfundimisht në Qeveri, dhe vetëm pas këtij procesi do të mund të nisë ekzekutimi i pagesave.

Ndërkohë, burimet theksojnë se edhe një pension shtesë për pensionistët pritet të realizohet në muajin maj, duke u konsideruar si një nga masat kryesore të kësaj pakoje mbështetëse. Kjo kategori shihet ndër më të goditurat nga rritja e çmimeve dhe inflacioni, ndaj edhe mbështetja financiare për ta konsiderohet prioritet.

Përveç kësaj, në diskutime është edhe përfshirja e kategorive të tjera sociale, përfshirë punonjësit e sektorit privat, për të cilët po shqyrtohen forma të ndryshme ndihme financiare, si subvencione apo pagesa direkte, me qëllim ruajtjen e fuqisë blerëse.

Gjithashtu, pritet që masa të veçanta të prekin edhe familjet me të ardhura të ulëta dhe grupet në nevojë, duke e bërë këtë paketë një ndërhyrje më të gjerë në sistemin e mbështetjes sociale, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE