Luana Vjollca po shijon suksesin e saj të parë në kinematografi me filmin “Policë për jetë”, ku luan krah emrave të njohur si Olsi Bylyku dhe Nik Xhelilaj.

Gjatë premierës së mbajtur së fundmi në qytetin e Shkodrës, vëmendjen nuk e ka marrë vetëm shkëlqimi i saj si aktore, por një reagim i papritur dhe mjaft domethënës gjatë një interviste.

E pyetur nga një prej gazetarëve të pranishëm nëse e ndjek këtë edicion të “Ferma VIP”, përgjigjja e Luanës ishte më se e qartë.

Pa pritur ende që gazetari të përfundonte pyetjen, sapo dëgjoi “Ferma Vip”, Luana, me një “Jo” të thatë, një të qeshur të lehtë dhe duke kthyer kokën menjëherë nga ana tjetër për të injoruar çdo pyetje pasuese, ajo e mbylli aty këtë diskutim.

Ndonëse një veprim i vogël dhe një përgjigje me vetëm një fjalë, ky reagim flet volume dhe duket se konfirmon gjithçka.

Prej kohësh rrjeti zien për një krisje të thellë të marrëdhënies mes saj dhe Arbana Osmanit, ku madje është aluduar vazhdimisht se Arbana u bë shkaku kryesor për largimin e Luanës nga Top Channel.

Kujtojmë se vitin e kaluar ishte pikërisht Luana Vjollca ajo që moderoi me sukses formatin e “Ferma VIP”, ndërsa këtë vit u zëvendësua nga Arbana.

Ky “injorim” publik nga ana e Luanës tregon qartë se raporti i shumëpërfolur mes dy moderatoreve të njohura mbetet po aq i ftohtë dhe i distancuar.