Pamje tronditëse janë regjistruar nga zjarri në një kompleks banimi përballë spitalit QSUT “Nënë Tereza” në Tirana, ku një e moshuar shihet teksa ndihmohet të dalë mes flakëve.
Situata në vendngjarje paraqitet e rënduar, ndërsa zjarri është përhapur me shpejtësi duke shkaktuar dëme të konsiderueshme materiale në godinë.
Forcat zjarrfikëse ndodhen në terren dhe po punojnë për shuarjen e flakëve, si dhe për evakuimin e banorëve që ndodheshin në pallat në momentin e shpërthimit të zjarrit.
Deri më tani nuk raportohen persona të lënduar, ndërsa shkaqet e rënies së zjarrit mbeten ende të paqarta. Autoritetet vijojnë përpjekjet për vënien nën kontroll të situatës.