Në media është raportuar ditët e fundit se disa persona të dyshimtë janë parë pranë një furgoni të kuq në zonën e Bulevardit të Ri në Tiranë, duke komunikuar me fëmijë. Pamjet e shpërndara në rrjetet sociale kanë shkaktuar shqetësim tek prindërit.

Ekspertë të sigurisë kanë paralajmëruar se situata të tilla duhen parë me kujdes, pasi mund të kenë skenarë të ndryshëm: nga aktivitete të shoqatave që shpërndajnë materiale, deri tek tentativa për ndikim ideologjik. Edhe pse mundësia e rrëmbimit është vlerësuar si shumë e vogël, është theksuar se prindërit dhe institucionet e sigurisë duhet të shtojnë vëmendjen ndaj fëmijëve.

Eksperti i sigurisë Ervin Karamuço tha për Top Channel se kjo nuk ka kaluar pa u vënë re nga institucionet përkatëse dhe se po analizohet nga strukturat shtetërore, ndaj nuk ka vend për panik.

“Dyshohet të ketë lidhje me propagandë fetare, nuk ka shpëtuar pa u vënë re dhe pa u analizuar nga strukturat përkatëse. Po verifikohet dhe nuk ka vend për panik.”- tha Karamuço.

Kryesisht shqetësimet e qytetareve janë të lidhur me mungesën e logos në furgon, xhamat e zinj dhe fakti që personi pranë fugonit nuk ka uniformë apo identifikim të qartë. Këto detaje kanë ngritur pikëpyetje mbi qëllimin e veprimeve.

Ekspertët theksojnë se çdo rast i dyshimtë duhet të zbardhet sa më shpejt për të qetësuar komunitetin dhe për të garantuar sigurinë e fëmijëve,