Këngëtarja shqiptare me famë botërore Dua Lipa po përflitet se mund të kurorëzojë dashurinë e saj në Palermo, Itali, ndërsa mediat ndërkombëtare raportojnë për një dasmë të mundshme luksoze që ka tërhequr vëmendje të madhe. Megjithatë, deri tani nuk ka asnjë konfirmim zyrtar nga artistja apo përfaqësuesit e saj.

Sipas mediave italiane, një hotel historik në Palermo dyshohet se është rezervuar për një event të rëndësishëm, ndërsa data e mundshme për ceremoninë përflitet mes 5 dhe 7 shtatorit. Prania e një organizatoreje të njohur eventesh ka shtuar më tej spekulimet për një organizim të madh.

Zërat janë intensifikuar pasi Dua Lipa është parë në shoqërinë e një prej event-planner-ave më të njohura në Itali, gjë që është interpretuar nga media si një shenjë përgatitjesh personale.

Palermo ndërkohë është kthyer në qendër të vëmendjes së mediave dhe rrjeteve sociale, me shumë raportime që e trajtojnë mundësinë e një dasme si një zhvillim të mundshëm, edhe pse pa prova konkrete.

Lidhja e këngëtares me qytetin sicilian është forcuar prej kohësh, pasi gjatë një vizite të mëparshme ajo ka ndarë momente nga eksplorimi i monumenteve historike dhe kulturës lokale, duke e përshkruar qytetin si “Palermo in my heart”.

Dua Lipa dhe partneri i saj, aktori britanik Callum Turner, e bënë publike lidhjen e tyre gjatë vitit 2025, ndërsa vazhdojnë të jenë një nga çiftet më të komentuar të showbiz-it ndërkombëtar.