Monika Kryemadhi ka komentuar paraqitjen e ish-presidentit Ilir Meta në seancën e fundit gjyqësore, duke u shprehur se ai, pavarësisht mungesës së gjumit dhe ekspozimit në diell, është shfaqur në formë të mirë fizike dhe mendore.

Në një intervistë për News24, ajo tha se Meta kishte një qëndrim të drejtë dhe se dukej më mirë se më parë nga ana e posturës. Sipas saj, ai kishte humbur peshë dhe kostumi nuk i përshtatej më si më parë, ndërsa shtoi se ai duket i lodhur dhe i zbehtë për shkak të kushteve në të cilat ndodhet.

Kryemadhi deklaroi gjithashtu se Meta zhvillon takime me fëmijët dhe familjarët një herë në javë, duke theksuar se ata i dërgojnë edhe ushqime gjatë vizitave.

Duke folur për procesin gjyqësor, ajo e cilësoi atë si një “proces politik”, duke përmendur sipas saj ndikime nga figura ndërkombëtare dhe drejtues të SPAK-ut. Kryemadhi kritikoi gjithashtu mënyrën e mbajtjes së Metës në seancë, duke e krahasuar me raste të tjera gjyqësore ndërkombëtare.

Monika Kryemadhi: Po të shohësh posturën e Ilir Metës është më i drejtë se ce ka patur. Kostumin e ka patur 56 duhet ta kishte 52, nga mendja dhe të shprehurit ishte snajper.

Nga imazhi dukej i pagjumë, i bardhë, nuk del në diell dhe ky është një nga problemet qe ka, më kanë thënë dhe fëmijët, kur i ka thënë ish-gjyqtares Irena Gjoka, që i thonte të bëhej gjyqi në orën 12 sepse ai kishte orën e ajrosjes.

Ndjenja e respektit tim si baba i fëmijëve të mi vazhdon, është gjyq politik, proces i inicuar nga Yuri Kim dhe Altin Dumani. Fëmijët shkojnë me motrën e Ilirit njëherë në javë që çojnë ushqime, fëmijët e bëjnë me radhë.

Është bërë rutinë, që presin gjithë ditën ta takojnë. Pjesa më e madhe që merreshin me pamjen ishte edhe për të krijuar presion psikologjik, qoftë për kafazin është punë e Ministrisë së Drejtësisë. Mendoj që mediat afër qeverisë e kanë pasur edhe si presion.

Sa për Beqajn ka një keqkuptim, sepse tek gjyqi qe ka për sterilizimin duhet të ishte në tavolinë. Pra mendoj që çështjen e kafazit mbajnë një ligj të një terroristi në Francës që kishte vrarë 100 njerëz. Por duhet bërë edhe një analizë që ti që më akuzon dhe më fut në paraburgim, këta gjyqtarët do mbajnë një përgjegjësi, fut njerëzit në burg, shkatërroi jetën.