Dy ushqime shumë të zakonshme që gjenden shpesh në tryezat e përditshme mund të fshehin rrezik për shëndetin e zemrës, paralajmërojnë ekspertët e ushqyerjes.

Sipas specialistëve, konsumimi i shpeshtë i produkteve të skuqura dhe të përpunuara lidhet me rritjen e mundësisë për sëmundje kardiovaskulare dhe probleme me qarkullimin e gjakut.

Një nga ushqimet më të përmendura janë patatet e skuqura. Edhe pse konsumohen gjerësisht si snack apo si shoqëruese vaktesh, ato përmbajnë nivele të larta të kripës dhe yndyrnave të ngopura.

Ekspertët shpjegojnë se këta përbërës mund të rrisin kolesterolin LDL, i njohur si “kolesteroli i keq”, duke favorizuar bllokimin e arterieve dhe rritjen e tensionit të gjakut.

Ushqimi i dytë që ngre shqetësim është djathi i skuqur. Edhe pse shumë i preferuar në vakte të ndryshme apo ushqime të shpejta, mënyra e gatimit e bën më problematik për organizmin.

Skuqja në vaj dhe përdorimi i përbërësve të rafinuar rrisin përmbajtjen e yndyrnave jo të shëndetshme, të cilat mund të kontribuojnë në krijimin e depozitave në arterie dhe në zhvillimin e arteriosklerozës.

Specialistët theksojnë se rreziku bëhet më i madh kur këto ushqime konsumohen rregullisht dhe shoqërohen me një dietë të varfër në fibra.

Për këtë arsye, rekomandohet kufizimi i tyre dhe zëvendësimi me alternativa më të shëndetshme si perime të pjekura, ushqime të ziera dhe produkte me pak yndyrë.

Ekspertët nënvizojnë se zgjedhjet e përditshme ushqimore luajnë rol kyç në mbrojtjen e zemrës dhe në parandalimin e problemeve serioze afatgjata, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE