Për të përballuar kostot e jetesës, me mijëra pensionistët vijojnë të punojnë. Sipas shifrave zyrtare janë 19.584 qytetarë që marrin pension pleqërie dhe që punojnë në tregun privat, dhe paguajnë sigurime njëjtë si të gjithë të punësuarit e tjerë.

“Një nga arsyet që pensionistët vazhdojnë të jenë pjesë aktive e tregut të punës, janë pensionet e ulëta. Është pikërisht e ardhura e tyre e kufizuar dhe nevoja për më shumë para për të përballuar kostot e jetesës”, tha Nunaj.

Kurse eksperti Fatos Çoçoli thotë se është jo e drejtë që pensionistët të paguajnë sigurime përsa kohë ata e marrin një pension.

Për të përballuar kostot e jetesës, me mijëra pensionistët vijojnë të punojnë. Sipas shifrave zyrtare janë 19.584 qytetarë që marrin pension pleqërie dhe që punojnë në tregun privat, dhe paguajnë sigurime njëjtë si të gjithë të punësuarit e tjerë.

“Një nga arsyet që pensionistët vazhdojnë të jenë pjesë aktive e tregut të punës, janë pensionet e ulëta. Është pikërisht e ardhura e tyre e kufizuar dhe nevoja për më shumë para për të përballuar kostot e jetesës”, tha Nunaj.

Kurse eksperti Fatos Çoçoli thotë se është jo e drejtë që pensionistët të paguajnë sigurime përsa kohë ata e marrin një pension.

Pensionisti paguan sigurimet mbi pagën në bazë të ligjit në fuqi, njësoj si të gjithë të punësuarit e tjerë. Ministria e Ekonomisë sqaron për Report TV se po diskuton që në kuadër edhe të reformës së re të pensioneve të hiqet detyrimi për të paguar kontributet e sigurimeve shoqërore për këtë kategori, njëjtë siç ndodh me të vetëpunësuarit pensionistë.

“Pensionistët e punësuar me kontratë pune vijojnë të paguajnë kontributet e sigurimeve shoqërore në mënyrë të rregullt, mbi pagën e tyre, sipas legjislacionit në fuqi. Në kuadër të reformës që po ndërmerret në fushën e sigurimeve shoqërore, janë duke u analizuar të gjithë skenarët e mundshëm, përfshirë edhe trajtimin e kategorisë së pensionistëve që vijojnë të jenë aktivë në tregun e punës. Aktualisht pritet konfirmimi dhe opinionet teknike nga ekspertët e Bankës Botërore, mbi alternativat që po shqyrtohen, me qëllim marrjen e një vendimmarrjeje të mirëinformuar dhe të qëndrueshme”, thotë në përgjigje zyrtare Ministria e Ekonomisë.

Ekspertët thonë se nëse kjo praktikë do të vijojë dhe pensionistët do të paguajnë sigurime nëse punojnë në bizneset private, duhet të krijohet mundësia që të ky kontribut të merret nga pensionisti, dhe jo siç ndodh aktualisht që i gjithë kontributi humbet, pasi nuk ndikon në vlerën e pensionit që merr individi./Shqiptarja,