Në emisionin Post-Big Brother VIP është zhvilluar një debat i fortë mes ish-banorëve, ku në qendër të diskutimit ishte merita për fitoren në reality show.
I pyetur nga moderatori Ledion Liço, ish-banori Mateo u shpreh se Selin Bollati nuk e meritonte fitoren, duke e lidhur lojën e saj kryesisht me dinamika personale brenda shtëpisë.
Mateo u shpreh: “Për mendimin tim nuk e ka merituar, se e vetmja lojë e Selin ka qenë loja e krevatit me Mirin”.
“Për mendimin tim nuk e ka merituar, sepse loja e saj ka qenë e lidhur me situata personale dhe debate me banorët e tjerë,” u shpreh Mateo.
Deklarata e tij ka sjellë reagim të menjëhershëm nga Selin, e cila i kujtoi një qëndrim të mëparshëm të tij gjatë qëndrimit në shtëpi, ku sipas saj ai ishte shprehur ndryshe për finalen.
“Brenda në shtëpi ke thënë se, nëse nuk e fiton ti, do të doje ta fitoja unë,” tha Selin, duke shprehur zhgënjimin për ndryshimin e qëndrimit.
Në debat u përfshinë edhe ish-banorë të tjerë, mes tyre Monika, Brikena, Rogerti dhe Edisa, të cilët diskutuan për mënyrën e lojës dhe meritat e finalistëve.
Diskutimi u përqendrua tek strategjitë e lojës, përplasjet mes banorëve dhe ndikimi i marrëdhënieve personale në dinamikën e garës, duke e kthyer panelin në një debat të ndezur mes ish-konkurrentëve.
Mateo: Për mendimin tim nuk e ka merituar, se e vetmja lojë e Selin ka qenë loja e krevatit me Mirin, edhe më pas debate me Rogertin, edhe Selin viktimizohej, edhe kjo ka qenë loja e saj, edhe më pas që bënte muhabet me Rogertin.
Selin: Më vjen keq që e dëgjoj nga Mateo këtë, se brenda në shtëpi ka thënë që, nëse nuk e fitoj unë, ta fitojë Selin.
Monika: Cila ishte loja jote, Mateo?
Mateo: Unë kam pasur debate me shumë nga të gjithë banorët, kam pasur debate e sulme nga të gjithë, çfarë quan ti lojë, Monika?
Monika: Loja jote ka qenë në kurriz të Brikenës dhe, me hyrjen tënde, Brikena ka humbur rrjedhën e lojës së saj, ka filluar të kërkonte dilemat e veta, edhe ti dole nën ujë me shpatullat e Brikenës.
Brikena: Unë mendoj se, nga fundi, unë jam fokusuar te raporti i Mateos, edhe unë kam pasur qejf që të fitojë Mateo, por edhe Selin e ka merituar për sulmet edhe ofendimet që ka bërë.
Monika: Mos thua që Selin Bollati nuk ka bërë lojë në këtë Big Brother.
Mateo: Unë nuk thashë që s’ka bërë lojë.
Selin: Unë nuk jam bërë pishman për asgjë, e vërteta është që unë jam shumë krenare për qasjen që kam bërë në atë shtëpi edhe për argumentet që unë kam bërë.
Rogerti: Ke thënë që do doja të fshija krevatin.
Edisa: Po, patjetër që po, unë e kam thënë që në podin e finales do ishte Miri, Selin, edhe unë kam thënë, për shijet e mia, doja ta fitonte Miri.
Rogerti: Ti çfarë nuk ke thënë për të.
Edisa: O Rogert, ka bërë lojë.
Selin: Njeri i paedukuar ke qenë.
Rogerti: Thuaja, moj, që e ka merituar Miri.
Edisa: Kanë qenë të dy të rëndësishëm në këtë BB.
