Një i moshuar është raportuar i humbur në zonën e Laprakës në Tiranë, ndërsa familjarët bëjnë apel urgjent për ndihmën e qytetarëve për ta gjetur.
Bëhet fjalë për 90-vjeçarin, Mendu Rrapo, i cili sipas të afërmve është parë për herë të fundit në zonën ku edhe banon, në Laprakë. Familjarët kanë bërë kallëzim në polici, në Komisariatin Nr. 3, por deri tani nuk kanë marrë asnjë informacion mbi vendndodhjen e tij.
Sipas djalit të tij, i moshuari ka veshur një xhaketë blu, pantallona të zeza dhe një kapele republike në momentin kur është larguar nga banesa.
Familjarët bëjnë me dije se ai nuk vuan nga sëmundje të rënda, por prej disa muajsh ka momente kur harron rrugën për në shtëpi, çka rrit shqetësimin për sigurinë e tij.
PËRDITËSIM: Lajm i mirë! Gjyshi Mendu është gjetur shëndoshë e mirë dhe është rikthyer pranë familjes së tij. Falënderojmë përzemërsisht çdo qytetar që ndihmoi me informacion dhe u angazhua për gjetjen e tij pas publikimit të apelit në JOQ Albania.
