Drejtuesja shqiptare në JP Morgan përballet me akuza të rënda në SHBA, padi për sjellje të papërshtatshme ndaj një punonjësi

Drejtoresha ekzekutive në institucionin financiar JP Morgan është përfshirë në një proces gjyqësor në Shtetet e Bashkuara, pas një padie të depozituar në Gjykatën Supreme të Nju Jorkut nga një punonjës, i identifikuar si “John Doe”.

Në padi pretendohet se Lorna Hajdini, 37 vjeç, me origjinë shqiptare, ka ushtruar p*resion të vazhdueshëm ndaj një kolegu të saj, duke përdorur pozitën profesionale për të ndikuar në marrëdhënien e punës. Sipas dokumenteve ligjore, ngjarjet dyshohet të kenë nisur në pranverën e vitit 2024, kur të dy filluan bashkëpunimin në të njëjtin ambient pune.

Paditësi pretendon se fillimisht janë shfaqur sjellje të papërshtatshme në komunikim dhe ndërveprim, të cilat më pas janë përshkallëzuar në kërkesa të drejtpërdrejta me natyrë personale dhe presion që lidhej me ecurinë e tij profesionale. Në padi përmenden edhe raste të gjuhës së papërshtatshme dhe situata ku punonjësi pretendon se është vënë në pozita të vështira për shkak të raportit hierarkik.

Gjithashtu, në dokumente përmendet edhe dyshimi për përdorim të substancave pa dijeninë e paditësit gjatë disa takimeve, si dhe akses i paautorizuar në të dhëna personale financiare. Këto pretendime janë pjesë e hetimit që po zhvillohet nga autoritetet përkatëse.

Padia përfshin edhe institucionin JP Morgan, duke e ak*uzuar për mungesë reagimi dhe masa të pamjaftueshme ndaj situatës së raportuar. Sipas paditësit, kompania jo vetëm që nuk ka ndërhyrë, por ka marrë masa ndaj tij pasi ai ka ngritur shqetësimet.

Nga ana tjetër, përfaqësues të bankës kanë deklaruar se një hetim i brendshëm nuk ka gjetur prova që mbështesin këto pretendime, duke shtuar se paditësi nuk ka bashkëpunuar plotësisht me procesin e verifikimit.

Çfarë thuhet në padinë e rrallë

Bankieri pretendon se Lorna Hajdini pranoi se e kishte droguar duke përdorur Rohypnol në raste të shumta. Gjatë një takimi, ajo dyshohet se e tall me të sepse kishte ai kishte qarë ndërsa ajo kryente një akt s*ksual me të kundër vullnetit të tij, përshkruhet më tej në raport.

Ai thotë se abuzimi filloi pak pasi Lorna dhe ai filluan të punonin së bashku në pranverën e vitit 2024. Sipas të riut, në fillim të majit 2024, Hajdini e hodhi stilolapsin e saj pranë tavolinës së tij dhe, ndërsa u përkul për ta marrë, duke i fërkuar këmbën dhe duke i kapur pulpën. “Oh, a ke luajtur basketboll në kolegj? … I dua lojtarët e basketbollit… më lagin shumë”, raportohet të ketë thënë ajo sipas pretendimit të ankuesit. Një herë, kur ajo e ftoi për pije dhe ai refuzoi, Hajdini dyshohet se i tha “nëse nuk e bën me mua, do të të shkatërroj… mos harro kurrë, unë të kam në dorë”, shtohej në padi.

I riu gjithashtu pretendoi se Hajdini i kishte bërë dy herë kërkesë për s*ks oraI. “BJ për ditëlindje me djalin me ngjyrë? Ai gjithashtu akuzoi Hajdinin se e kishte kërcënuar me ndëshkim pro*fesional. “Do të duhet ta meritosh, lodra ime e vogël arabe”, raportohet t’i ketë thënë ajo kur ai kishte kërkuar rritje në detyrë. Gjatë verës së vitit 2024, Hajdini dyshohet se u shfaq në një ambient ku do të ishte edhe punonjësi i saj. Ajo raportohet t’i ketë thënë “A do të ngrihesh në detyrë në fund të vitit apo jo? A do një të ardhme në JPMorgan? Është kaq e thjeshtë. Nuk e di pse po e kundërshtoni këtë”, sipas padisë. “i frikësuar se znj. Hajdini do të vepronte sipas kërcënimeve të saj për t’u hakmarrë kundër tij, I riu iu bind kërkesave të saj”, thuhet në padi. Hajdini e kërcënoi përsëri nëse nuk do të kryente marrëdhënie s*ksuale me të, dhe gjithashtu e qortoi për performancën e tij profesionale. “Do të të bëj të paguash… A mendon se do të jesh në gjendje të mirë nëse nuk më ke në krah? Nëse nuk më çmend sonte, do të sabotoj”, thuhet në padi. I riu gjithashtu ka akuzuar JPMorgan se ka mundësuar sjelljen e saj. Një zëdhënës i kompanisë kundërshtoi akuzat e ngritura dhe tha: “Pas një hetimi, ne nuk besojmë se ka ndonjë të vërtetë në këto pretendime”, tha zëdhënësi I JP Morgan. Ndërsa shumë punonjës bashkëpunuan me hetimin, ankuesi refuzoi të merrte pjesë dhe nuk ka pranuar të ofrojë fakte që do të ishin thelbësore për të mbështetur pretendimet e tij.”

Çështja është ende në shqyrtim nga drejtësia amerikane, ndërsa as Lorna Hajdini dhe as përfaqësues të saj nuk kanë dhënë një reagim publik deri në këtë fazë.

Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.