Tiranë, 30 prill 2026 – Alesia Balliu ka reaguar publikisht pasi, sipas saj, i është refuzuar kërkesa për të kandiduar për kryetare të Partisë Demokratike.

Përmes një postimi në rrjetet sociale, Balliu shprehet se kandidatura e saj nuk po merret në shqyrtim nga strukturat e partisë, duke e cilësuar këtë si mungesë transparence dhe gare të ndershme.

Ajo ka drejtuar akuza të drejtpërdrejta ndaj kreut të Partisë Demokratike, Sali Berisha, duke pretenduar se ai po i shmanget garës dhe përballjes politike.

Në reagimin e saj, Balliu thekson se ka dorëzuar një kërkesë zyrtare për të hyrë në garë, por sipas saj, askush nuk ka marrë përgjegjësinë për ta pranuar atë.

Deklarata përfshin edhe tone të ashpra politike, ku ajo shpreh bindjen se Partia Demokratike, sipas saj, do t’u rikthehet demokratëve.

Deri më tani nuk ka një reagim zyrtar nga Partia Demokratike lidhur me pretendimet e bëra nga Balliu. Postimi i plotë:

Berishë Frikacaku!

Berishë burrat në veri nuk i shmangen garës dhe nuk i druhen përballjes përkundrazi, e kërkojnë atë.

Por sot, ajo që po ndodh brenda Partisë Demokratike është zhgënjyese.

Kam dorëzuar një kërkesë zyrtare për të hyrë në garën për kreun e PD-së, dhe askush nuk po e merr përsipër ta pranojë.

Ky nuk është thjesht një refuzim është një tregues i qartë i mungesës së transparencës dhe garës së ndershme.

Berishë gjithmonë ka një moshë të koritesh, por ti zgjodhe moshën më të keqe.

PD do ju kthehet demokratëve mos e harro kurrë, nuk do e gëzosh atë parti Sali Berisha.