Tre shtetas shqiptarë janë dënuar me një total prej 8 vitesh e 6 muaj burgim në Mbretërinë e Bashkuar, pasi u shpallën fajtorë për përfshirje në një aktivitet të gjerë të kultivimit të k*nabisit.

Të dënuarit janë Indrid Hysenbelli, 26 vjeç, Xhoi Kasaj, 30 vjeç dhe Romeo Toska, 26 vjeç, të cilët u arrestuan gjatë një operacioni policor në veriperëndim të Anglisë në qershor të vitit të kaluar.

Sipas autoriteteve britanike, gjatë kontrollit në një njësi industriale në Oldham, në adresën “Bilsley Street”, u zbuluan 889 bimë k*nabisi, me një vlerë të përllogaritur rreth 986,800 paund.

Hetimet kanë zbuluar gjithashtu materiale fotografike ku të pandeh*urit shfaqeshin pranë sasisë së lëndës n*rkotike të sekuestruar.

Gjykata e Kurorës në Minshull Street i shpalli fajtorë për prodhimin e drogës së klasit B dhe caktoi dënime individuale: Hysembelli me 3 vite e 7 muaj burg, Toska me 2 vite e 8 muaj dhe Kasaj me 2 vite e 3 muaj.

Autoritetet britanike vijojnë goditjet ndaj rrjeteve kriminale të përfshira në kultivimin dhe shpërndarjen e kanabisit në ambiente të mbyllura industriale.

Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.