Një vajzë shqiptare shkoi për studime në Londër dhe atje njohu dashurinë e jetës së saj, Henrin.

Siç tregon ajo, pas shumë vitesh miqësie, Henri i bëri pyetjen e ndjeshme: “A mund të jem unë ngjyra jote?” Përgjigja e saj ishte një puthje.

Pas dy vitesh marrëdhënie të bukur, ajo mbeti shtatzënë. Por, kur ua tregoi prindërve lajmin, ata i kërkuan të abortonte. Arsyeja? Nuk mund të pranonin një dhëndër me ngjyrë.

Pavarësisht dhimbjes, ajo vendosi ta mbante fëmijën. Pas disa vitesh, u kthye në Shqipëri për t’u treguar prindërve nipin e tyre, me shpresën se dashuria prej gjyshërish do t’i zbutte. Por sapo panë që fëmija kishte trashëguar ngjyrën e babait, reagimi i tyre ishte i ftohtë dhe i ashpër:

“Çoje djalin ta rrisë i ati, dhe vetëm atëherë do jesh përsëri vajza jonë.”

Henri e shtyu të përpiqej sërish, të krijonte një urë komunikimi me ta, sepse e shihte që bashkëshortja e tij po vuante. Por prindërit nuk pranuan në asnjë mënyrë.

Çfarë është më e dhimbshmja, janë komentet që kanë shpërthyer në Facebook. Shumë shqiptarë shfaqin një racizëm të thellë, duke e quajtur turp zgjedhjen e vajzës:

“Tre mundësi ke: të varesh, të hidhesh nga ballkoni ose të djegësh veten me benzinë! Turp, mjerë prindërit çfarë kanë rritur!”, shkruan një komentues.
“Mos e lodh kot t’ua mbushësh mendjen prindërve. Për një burrë me ngjyrë shkele çdo gjë! Lëre, nuk është fundi i botës. Ka pasur plot djem shqiptarë të mirë. Nuk je as e para, as e fundit që gabon kështu.”
“Gjithsesi, të gjitha ato gra që lidhen me burra me ngjyrë ndahen në moshën 60-65 vjeçare. Atëherë bie era më shumë… E fëmijën nuk ta do as shtëpia, as shoqëria. Shqiptarët janë raca më e bukur në botë, pse zgjodhët dikë ndryshe?”
Por mes komenteve, ka edhe nga ata që tregojnë mbështetje e njerëzi:

“Ka plot shqiptarë që rrahin gratë, vrasin prindërit, bëjnë maskarallëqe dhe askush nuk flet për ta. Por kur dikush dashuron sinqerisht, quhet turp?”
“Zotin nuk e pyeti kush kur krijoi njerëzit – me ngjyrë apo pa ngjyrë, të gjithë jemi të tij. Askush s’ka të drejtë të gjykojë”, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE