Mbrëmjen e djeshme u transmetua puntata e shumëpritur e “Post Big Brother VIP Albania”, një episod që kishte ngjallur kuriozitet të madh tek publiku që prej përfundimit të spektaklit.

Ashtu siç pritej, studioja u kthye në një arenë diskutimesh të forta, ku nuk munguan debatet e nxehta, sqarimet për situatat e mbetura pezull dhe përballjet mes ish-banorëve. Atmosfera ishte e ngarkuar, por njëkohësisht edhe plot emocione, pasi shumë prej tyre u rikthyen për të thënë të pathënat e tyre.

Ndër momentet më të komentuara të mbrëmjes ishte një situatë mjaft pikante, ku protagoniste u bë Monika. E njohur për natyrën e saj të drejtpërdrejtë, ajo vendosi të mos kursejë aspak ish-banorët dhe të thyejë çdo lloj filtri në komunikim.

Pa hezitim dhe pa i rënë rrotull, Monika iu drejtua Mateos në mes të studios me një pyetje shumë intime: “Keni bërë dashuri pasi dolët nga Big Brother?”

Pyetja shkaktoi menjëherë reagime në studio dhe një moment sikleti që mund të vihej re lehtësisht. Megjithatë, Mateo arriti ta menaxhonte situatën me zgjuarsi, duke dhënë një përgjigje diplomatike dhe njëkohësisht romantike:

“Ne bëjmë dashuri sa herë shihemi në sy.” Kjo përgjigje u prit me buzëqeshje dhe reagime të ndryshme nga të pranishmit.

Ndërkohë, kamerat fokusuan edhe reagimin e Brikenës, e cila nuk arriti ta fshehë habinë. Mimika e saj tregoi qartë se pyetja e drejtpërdrejtë e Monikës ishte e papritur dhe disi “pa doreza”, duke e bërë këtë moment një nga më të komentuarit e mbrëmjes