Ministria e Mbrojtjes e Arabisë Saudite ka konfirmuar se ambasada e Shteteve të Bashkuara të Amerikës në Riad është bërë objekt i një sulmi me dronë, duke rritur ndjeshëm tensionet e sigurisë në rajon.

Sipas informacioneve paraprake, dy mjete ajrore pa pilot kanë goditur zonën përreth kompleksit diplomatik gjatë orëve të para të mëngjesit, duke shkaktuar alarm të menjëhershëm tek forcat e sigurisë saudite dhe personeli diplomatik amerikan.

Në një deklaratë zyrtare të publikuar në platformën X, Ministria bëri të ditur se nga sulmi është shkaktuar një zjarr i kufizuar brenda perimetrit të ambasadës, i cili është neutralizuar shpejt nga ekipet emergjente.

Autoritetet theksuan se dëmet materiale janë të vogla dhe nuk raportohet për viktima apo të plagosur mes stafit diplomatik apo civilëve në zonë.

Forcat e sigurisë saudite kanë rrethuar menjëherë kompleksin dhe kanë nisur hetimet për të identifikuar origjinën e dronëve dhe autorët e mundshëm të sulmit. Burime të sigurisë bëjnë të ditur se sistemet e mbrojtjes ajrore kanë arritur të neutralizojnë pjesërisht kërcënimin, duke parandaluar pasoja më të rënda.

Ngjarja vjen në një moment tensionesh të larta gjeopolitike në Lindjen e Mesme, ndërsa autoritetet amerikane dhe saudite po bashkëpunojnë ngushtë për analizimin e incidentit dhe forcimin e masave mbrojtëse rreth objekteve diplomatike dhe ushtarake në rajon. Hetimet pritet të zbardhin nëse sulmi lidhet me zhvillimet e fundit të sigurisë apo me grupe të armatosura që operojnë në zonë,