Fotografi Klevin Halili, i njohur edhe si mik i modeles Trejsi Sejdini, ka dëshmuar në gjyqin ndaj Leonard Dukës, duke theksuar para trupit gjykues se nuk ka pasur kurrë njohje personale me të pandehurin.

Në deklarimet e tij, Halili sqaroi se në janar 2020 ai dhe modelja udhëtuan drejt Shteteve të Bashkuara të Amerikës për një qëndrim rreth një muaj në New York, me synim pushimin dhe realizimin e disa seteve fotografike. Sipas tij, qëndrimi u zgjat për shkak të pandemisë së COVID-19. Gjatë kësaj periudhe, modelja kishte marrë një apartament me qira, ndërsa ai kishte qëndruar në banesën e motrës së tij.

Fotografi deklaroi gjithashtu se për marrëdhënien e përfolur kishte mësuar vetëm nga mediat. Ai shtoi se modelja merrte herë pas here shuma parash të dërguara nga Shqipëria përmes pikave të transfertave financiare.

Në dosjen e SPAK, përmendet se Leonard Duka i ka kërkuar një prej bashkëpunëtorëve të tij, Drianto Bardhit, t’i dërgonte 500 dollarë Trejsi Sejdinit, e cila ndodhej në New York. Sipas të njëjtës dosje, shuma është nisur në emër të Bardhit dhe është tërhequr nga Klevin Halili.