Një histori shprese dhe mrekullie vjen nga Peruja, pikërisht në prag të festave të fundvitit. Një spital në kryeqytetin Lima ka njoftuar ndarjen me sukses të dy vajzave binjake të lindura të bashkuara, një ndërhyrje jashtëzakonisht e rrallë dhe e ndërlikuar, që mjekët e kanë cilësuar si një “mrekulli”.
Binjaket Ailani dhe Alif Palacios Picon erdhën në jetë më 5 tetor te këtij viti në qytetin Huanuco, në pjesën qendrore-lindore të vendit. Ato lindën para kohe dhe të bashkuara në shtyllën kurrizore, me organe të kompromentuara.
Tre ditë pas lindjes, foshnjat u transferuan në Institutin Kombëtar të Shëndetit të Fëmijëve San Borja, në Lima, ku një ekip i specailizuar mjekësh nisi menjëherë përpjekjet për stabilizimin e tyre.
Operacioni zgjati mbi tre orë dhe u ndoq me tension të lartë nga familjarët dhe stafi mjekësor.
